Ru (RU)
En (EN)
TELEKOMMUNIKATSIYA INJINIRINGI KAFEDRASI
Kafedra mudiri:
PhD. Setmetov Ne'matjon Urunboyevich
Kafedra dastlab, 2013 yil 31 dekabrda TATU UF dirеktori, t.f.d., profеssor A.X. Nishanovning 382-sonli buyrug‘iga asosan “Tabiiy va umumkasbiy fanlar” kafedrasi negizida “Telekommunikatsiya injiniringi” kafedrasi tashkil qilindi. 2014 yil 3 fevraldan 2015 yil avgust oyigacha kafedrani t.f.d., professor, Kalandarov Palvan Iskandarovich boshqarib kelgan. Hozirgi kunda kafedra mudiri Texnika fanlari bo‘yicha falsafa doktori (PhD) Setmetov Ne'matjon Urunboyevich.
Kafedrada ilmiy ishlari va yo’nalishlari:
Hozirgi davrda kafedra o’qituvchilari o’quv rejasidagi fanlardan chuqur bilim berish maqsadida yangi pedagogik texnologiyalarni, shu jumladan, virtual laboratoriya ishlarini yaratishni, internet tizimiga ulangan maxsus multimediya sinfida olib borishni amalga oshirmoqdalar. Shu bilan birga tarmoqlarda axborot xavfsizligini ta’minlash masalalari ham muntazam ravishda talabalarga yetkazib berish ustida tinmay izlanish olib bormoqdalar.
Erishilgan yutuqlar
Kafedra o’qituvchilarining samarali mehnatlari davlatimiz tomonidan munosib taqdirlanishgan. Jumladan, 2017 yilda Ismailov Sh. “O’zbekiston Respublikasi konstituttsiyasiga 25 yil” nishoni bilan, 2014 yilda Mustaqillik bayramining 23 yillik munosabati bilan N.U. Setmetovga “O’z kasbining ustasi” belgisi bilan taqdirlandilar. Shuningdek, kafedra dotsenti E.Sh. Avazov “Oliy ta’lim muassasasining eng yaxshi pedagogi” tanlovi respublika bosqichining Aloqa axborotlashtirish va telekommunikatsiya texnologiyalari ta’lim sohasi bo’yicha 2015 yil uchun “Mutaxassisligi bo’yicha eng yaxshi pedagog” nominatsiyasi g’olibi bo’ldi.
