O’zbekiston Respublikasi Prezidentining “Yoshlarni tadbirkorlik faoliyatini qo’llab quvvatlash va bandligiga ko’maklashish, ularni ijtimoiy himoya qilish hamda bo’sh vaqtini mazmunli tashkil etishga oid, qo’shimcha chora –tadbirlar to’g’risida” 2021 yil 20 apreldagi PF-6208-son farmoni ijrosini ta’minlash maqsadida Vazirlar mahkamasining 24 sentyabr da 605-sonli qarori chiqqan.
O’zbekiston Respublikasi Vazirlar mahkamasi qarori bo’yicha ijara huquqi asosida yashayotgan talabalar tomonidan to`lanadigan ijara to’lovlarini qoplab berish tizimini joriy etish chora tadbirlari to’g’risida.   
      2021 yil 1 maydan boshlab yotoqxona bilan qamrab olinmagan va o’ziga,shu jumladan ota-onasi (qonuniy vakillari)ga tegishli bo’lmagan uyda ijara huquqi asosida yashaydigan davlat oliy muassasalari talabalarining 60 foiziga ular tomonidan to’lanadigan oylik ijara to’lovini 50 foizi O’zbekiston Respublikasi davlat byudjeti hisobidan qoplab berilishi,bunda: Ijara to’lovining qoplab beriladigan qismi Toshkent shahrida - bazaviy hisoblash miqdorining bir baravari,qolgan hududlarda bazaviy hisoblash miqdorining yarim baravaridan oshmasliki belgilangan va bunda ijara (shartnomasi) to’lovining qoplab beriladigan qismi birinchi navbatda ehtiyojmand oila farzandlariga,o’rnak ko’rsatgan va faol talabalar uchun qoplab berilishi va oliy ta’lim muassasalari tomonidan ularni byudjetdan tashqari mablag’lari hisobidan ijara to’lovining bir qismi qoplab berilishi mumkinligi belgilangan.
      Bo’limimizning maqsadi:  Talabalarimizni turar joy bilan ta’minlash  va ularga barcha yaratilgan imkoniyatlardan  belgilangan  me’zonlar asosida foydalanishlarini tushuntirib  muvofiqlashtirib borish. 
      Davlat oliy ta’lim muassasalarining  faqat kunduzgi ta’lim shaklida,davlat granti yoki to’lov shartnoma asosida tahsil oladigan va ijara huquqi asosida yashaydigan barcha talabalarga oylik ijara to’lovining bir qismini belgilangan mezonlar asosida O’zbekiston Respublikasi davlat byudjeti hisobidan qoplab berilishi ko’rsatib o’tilgan.